बलिउड अभिनेता अमिर खानको पत्निको ८० लाख बराबरको औंठी र गहना भयो चोरी

बलिउड अभिनेता अमिर खानको पत्निको ८० लाख    बराबरको औंठी र गहना भयो चोरी

मुम्बईको बान्द्रा स्थीत अभिनेता अमिर खानको पत्नि किरण रावको घरबाट ८० लाख भारु बराबरको ज्वेलरी चोरी भएको छ । अमिरको पत्नि किरणको एक नातेदारले खार प्रहरी स्टेशनमा एफआईआर दर्ता गरेका छन् । प्रहरीले धारा ४५३ अन्तर्गत मामला दर्ता गरेर छानबिन सुरु गरिसकेका छन् ।

अभिनेता अमिर खान र उनको पत्नि किरण राव कार्टर रोड स्थीत एक अपार्टमेन्टमा रहँदै आएका छन् । रिपोर्टमा उल्लेख गरिएअनुसार पछिल्लो साता मात्र थाहा भएको थियो की पत्नि किरणको हिराको औंठी र नेकलेस हराईरहेको छ भन्ने चाँही ।
सुत्रले बताएअनुसार अमिर र किरणको नोकरहरुले नै चोरी गरेका शंका गरिएको छ । अब प्रहरीले उनिहरुको कुक फरजाना,असिस्टेन्ट सुजैना र नोकर्नी झुम्की सँग सोधपुछ गर्ने भएका छन् । उनिहरुलाई बिहान देखि बेलुका सम्मनै सोधपुछ गर्ने प्रहरीको भनाई छ । अमिर खान र उनको पत्नि किरण बाट भने कुनै पनि बयान अगाडी नआएको प्रहरीले जानकारी पनि गराएका छन् । न्यूज २४ बाट साभार गरिएको